لندن (26 اپریل 2023)پاکستان ہائی کمیشن لندن میں 26 اپریل 2023 کو کوئٹہ ایسوسی ایشن کے سابق فوجیوں کے لیے ایک ظہرانے کا اہتمام کیا گیا۔کوئٹہ ایسوسی ایشن برطانوی اور پاکستانی فوج کے سابق فوجیوں کا ایک گروپ ہے جنہوں نے ماضی میں کوئٹہ میں خدمات انجام دیں۔ اس تقریب کا انعقاد ان سابق فوجیوں کی خدمات اور قربانیوں کو تسلیم کرنے اور پاکستان اور برطانیہ کے درمیان تعلقات کو مضبوط کرنے کے لیے کیا گیا تھا۔
ہائی کمشنر معظم احمد خان نے حاضرین سے خطاب کرتے ہوئے پاک برطانیہ تعلقات کی اہمیت اور ان تعلقات کو مضبوط بنانے میں دفاعی سفارت کاری کے کردار پر اپنے خیالات کا اظہار کیا ۔انہوں نے کوئٹہ ایسوسی ایشن کے سابق فوجیوں اور برطانوی افسران کا پاک برطانیہ تعلقات میں خدمات اور تعاون پر شکریہ اداکیا ۔ ہائی کمشنر نے اس کردار کو بھی سراہا جو سابق فوجیوں نے اپنے اپنے علاقوں میں امن و استحکام کو فروغ دینے میں ادا کیا۔
کوئٹہ ایسوسی ایشن کے چیئرمین میجر جنرل سیوماس کیر سی بی ای (Major General Seumas Kerr CBE )نے اپنے ریمارکس میں پاکستانی ہائی کمیشن کی مہمان نوازی پر شکریہ ادا کیا۔ انہوں نے کوئٹہ ایسوسی ایشن اور پاکستان کے درمیان پائیدار دوستی کے بارے میں بات کی اور دونوں ممالک کے درمیان مسلسل تعاون اور اشتراک کی امید کا اظہار کیا۔ انہوں نے ایسوسی ایشن کے کام اور پاکستان اور برطانیہ کے درمیان دوطرفہ تعلقات کو فروغ دینے میں اس کے تعاون کے بارے میں بھی اپنے خیالات کا اظہار کیا۔
قبل ازیں آرمی اینڈ ایئر ایڈوائزر کرنل تیمور راحت نے مہمانوں کا استقبال کیا جس کے بعد کمانڈنٹ، کمانڈ اینڈ اسٹاف کالج کا پیغام پڑھ کر سنایا گیا۔ کموڈور محمد نبی ذیشان نے پاکستان اور برطانیہ کے دفاعی تعلقات کے بارے میں بات کرتے ہوئے دونوں ممالک کے درمیان مسلسل تعاون کی اہمیت کو اجاگر کیا۔
اس تقریب میں میڈیا کے نمائندے بھی موجود تھے جنہیں زیر بحث موضوعات پر منتخب افسران سے بات چیت کرنے کا موقع ملا۔اس تقریب نے 60 سے زائد سابق فوجیوں اور ان کے خاندانوں کو پاکستان میں اپنے وقت کی یاد تازہ کرنے کے لیے ایک مفید پلیٹ فارم فراہم ہے۔
