ویسٹ انڈیز نے سیریز کے دوسرے ٹیسٹ میچ میں پاکستان کیخلاف 7 وکٹوں کے نقصان پر 38 رنز بنالیے۔ملتان میں کھیلے جارہے سیریز کے دوسرے ٹیسٹ میچ میں پاکستانی اسپنرز نے محض ایک گھنٹے میں ویسٹ انڈیز کے 7 ابتدائی بلےبازوں کو پویلین روانہ کیا، نعمان علی نے 4، ساجد خان نے 2 اور ڈیبیو کرنیوالے کاشف علی نے ایک وکٹ حاصل کی۔ویسٹ انڈیز کی جانب سے کپتان کریگ براتھ 9، میکل لیوس 4، جسٹن گریوز ایک، عامر جینگو، ایلک اتھاناز، ٹیون املاچ اور کیون سنکلیئر صفر پر پویلین روانہ ہوئے۔ کیویم ہوج واحد بیٹر ہیں جو ڈبل فیگر میں داخل ہوئے اور 17 رنز بناکر کریز پر موجود ہیں۔پاکستان کی جانب سے نعمان علی واحد اسپنر ہیں جنہوں نے ٹیسٹ کرکٹ میں ہیٹرک مکمل کرنے کا اعزاز بھی حاصل کیا۔ویسٹ انڈیز کے کپتان کریگ براتھویٹ نے ٹاس جیت کر پہلے بیٹنگ کرنے کا فیصلہ کیا، انکا کہنا تھا کہ کوشش کریں گے پاکستان کیخلاف پہلی اننگز میں بڑا ٹوٹل کھڑا کریں۔اس موقع پر کپتان شان مسعود کا کہنا تھا کہ اسپنرز کیساتھ اٹیک کریں گے تاکہ ویسٹ انڈین بیٹنگ لائن کو بڑا اسکور کرنے سے روک سکیں۔انہوں نے کہا کہ ٹیم میں ایک تبدیلی کی گئی ہے، فاسٹ بولر کاشف علی کو ٹیسٹ ڈیبیو کرایا جائے گا جبکہ خرم شہزاد کو آرام دیا گیا ہے۔
پاکستان کا اسکواڈ:
کپتان شان مسعود، محمد ہریرہ، بابر اعظم، کامران غلام، سعود شکیل، محمد رضوان (وکٹ کیپر)، سلمان علی آغا، ساجد خان، نعمان علی اور ابرار احمد شامل ہیں۔
