اسلام آباد: رواں مالی سال کے پہلے چار ماہ میں ملک کا تجارتی خسارہ 6.974 بلین ڈالر رہا، جو کہ سال بہ سال 6 فیصد کم ہے۔ گزشتہ مالی سال کی اسی مدت کے دوران تجارتی خسارہ 7.387 بلین ڈالر رہا۔ سال بہ سال، درآمدات میں 13 فیصد اضافہ ہوا اور اکتوبر میں برآمدات 2.975 بلین ڈالر تک پہنچ گئیں۔ پاکستان کے وفاقی ادارہ شماریات کے مطابق اکتوبر 2024 میں تجارتی خسارہ 1.498 بلین ڈالر رہا۔ ستمبر میں پاکستان کا تجارتی خسارہ 1.820 بلین ڈالر اور گزشتہ سال اکتوبر میں 2.174 بلین ڈالر رہا۔ مالی سال کے پہلے چار ماہ میں ملکی برآمدات 10.880 بلین ڈالر رہیں۔
