اونٹاریو: کینیڈین وزیر اعظم جسٹن ٹروڈو نے کمیشن آف انکوائری کے سامنے بیان دیا جس میں انہوں نے کہا کہ بھارت کینیڈا کی خودمختاری پر سرگرمی سے تجاوز کر رہا ہے اور کہا کہ غور سے دیکھا جائے تو بھارتی حکومت نے ایک بھیانک غلطی کی ہے۔ ہمیں کینیڈینوں کو محفوظ رکھنے کے لیے جواب دینا چاہیے۔ سکھ رہنما ہردیپ سنگھ کے قتل کے بعد بھی اس بات کے واضح اشارے مل رہے ہیں کہ بھارت نے کینیڈا کی خودمختاری کی خلاف ورزی کی ہے اور غیر ملکی مداخلت کی سرگرمیاں انجام دی ہیں یا دھمکیاں دی ہیں۔ سکھ تحریک سے منسلک ایک اہلکار ہردیپ سنگھ نجار کو گزشتہ سال 18 جون کو برٹش کولمبیا کے شہر سرے کے ایک گوردوارے میں گولی مار کر ہلاک کر دیا گیا تھا اور سفارت کاروں کا کہنا ہے کہ وہ سکھوں پر دباؤ ڈالنے کے لیے ایک مجرمانہ نیٹ ورک کے ساتھ مل کر کام کر رہے ہیں۔
