’’موجاں ہی موجاں ‘‘کے نام سے منسوب ڈرامے میں شرکا کے قہقہے، فنکاروں کو داد دی
لوٹن ( رپورٹ: ڈی نیوز 24) شوبزکی دنیا کے معروف برٹش پاکستانی اور لوٹن کی ہر لعزیز شخصیت پروموٹر اور آرگنائزر طالب کیانی کی جانب سے مزاحیہ اسٹیج ڈرامے کا انعقاد کیا گیا جس میں پاکستان کے شہرت یافتہ فنکاروں نے اپنے فن کا مظاہرہ کیا ۔ تفصیلات کے مطابق لوٹن کے معروف ڈیلو کمیونٹی سینٹر میں مزاحیہ اور لطیفوں سے لبالب اسٹیج ڈرامے کا انعقاد کیا گیا جس میں پاکستان کے معروف کامیڈی فنکاروں نے اپنے مزاحیہ فن کا مظاہرہ کرکے شرکا سے خوب داد وصول کی ۔ آرگنائزر اور پروموٹر طالب کیانی کی کاوشوں کے باعث منعقد ہونے والے اسٹیج شو میں کمیونٹی سے کثیر تعداد میں لوگوں نے شرکت کی اور فنکاروں کے چٹکلوں اور لطیفوں سے لطف اندوز ہوتے رہے ۔
موجاں ہی موجاں کے نام سے منعقد ہونے والے اسٹیج شو میں پاکستان کے شہرت یافتہ فنکار وں میں ساجن عباس ، شہزادہ غفار ، شہناز خان (آپا) ، کرن ، ذرکا ، نائلہ خان اور شہزاد پپو کے علاوہ دیگر جونیئر فنکار بھی شامل تھے ۔ پروگرام کے اختتام پر فنکاروں نے میڈیا سے گفتگو کرتے ہوئے کہا کہ ہم لوٹن کے باسیوں نے ہمیں خوب پیار دیا ہم بہت خوش ہیں کہ ہمیں بے پناہ پذیرائی اور عزت ملی ، پروموٹر آرگنائزر طالب کیانی کا شکریہ ادا کرتے ہوئے فنکارں کا کہنا تھا کہ اس نوعیت اور تفریح سے بھرپور ڈراموں کا انعقاد ہونا چاہئے تاکہ پاکستان بالخصوص کشمیر سے تعلق رکھنے والے افراد کو ہنسنے کا قہقہے لگانے کا موقع ملے ۔
