بھارتی میڈیا رپورٹس کے مطابق چائلڈ ویلفیئر کمیشن (سی ڈبلیو سی) نے ایک مشاورت کے دوران انکشاف کیا ہے کہ بھارتی ریاست کیرالہ میں ایک دلت لڑکی کو گزشتہ 5 سالوں کے دوران 64 افراد نے جنسی زیادتی کا نشانہ بنایا۔ یہ واقعہ اس وقت سامنے آیا جب این جی او نے باقاعدہ سائٹ وزٹ کے ایک حصے کے طور پر لڑکی کے گھر کا دورہ کیا اور ان ہولناکیوں کو بیان کیا جو اس نے پانچ سال کے دوران محسوس کی تھیں۔ مرکز سے نکلنے کے بعد این جی او نے چائلڈ پروٹیکشن کمیٹی کو اطلاع دی۔
لڑکی نے ایک کونسلنگ سیشن میں بتایا کہ جنسی زیادتی اس وقت شروع ہوئی جب وہ 13 سال کی تھی، اس نے دعویٰ کیا کہ ایک پڑوسی نے اس کے ساتھ فحش مواد شیئر کیا اور وہ اب 18 سال کی ہو چکی ہے۔ پولیس نے یہ بھی اعلان کیا کہ اس لڑکی کے تفصیلی بیانات کی بنیاد پر 10 سے زائد افراد کو گرفتار کیا گیا اور ویڈیوز بھی جاری کی گئیں۔ مقدمہ درج کرنے والے افسران نے بتایا کہ واقعہ سنگین ہے اور لڑکی کے ساتھ جنسی زیادتی کی گئی جب وہ آٹھویں جماعت میں تھی اور عوامی مقامات پر اس کے ساتھ چھیڑ چھاڑ بھی کی گئی۔
